काठमाडौं । नेपाल इन्भेस्टमेन्ट बैंक पनि मर्जरमा जाने भएको छ । मर्जर र प्राप्ति प्रक्रियामा सहभागी हुन बैंकले साधारणसभामा विशेष प्रस्ताव पेश गर्ने भएको छ ।
बैंकको ३३ औं वार्षिक साधारणसभा पुस २८ गते हुँदै छ । साधारणसभामा बैंक तथा वित्तीय संस्थासंग मर्जर र प्राप्ति प्रक्रिया अघि बढाउन सझदारीपत्र (एमओयू) मा हस्ताक्षर, सैदान्तिक स्वीकृतिका लागि नेपाल राष्ट्र बैंकमा निवेदन दिने र बैंकको चलअचल सम्पत्ति तथा दायित्व मूल्याँकन (डीडीए) गर्नका लागि सञ्चालक समितिलाई अख्तियारी दिने प्रस्ताव सभामा पेश हुने भएको हो ।
सभाले गत आर्थिक वर्षमा गरेको नाफाबाट सेयरधनीलाई १९ प्रतिशत लाभांश दिने प्रस्ताव पारित गर्ने छ । ८.५ प्रतिशत नगद र १०.५ प्रतिशत बोनस सेयर दिने प्रस्ताव बैंकले गरेको छ ।
२०७६ पुस ०७ गते प्रकाशित
वि.सं.२०७६ पुस ७ सोमवार ०९:०२ मा प्रकाशित