२०७६ पुस १० गते प्रकाशित
काठमाडौँ । महिला सहयात्रा लघुवित्त वित्तीय संस्थाले शेयरधनीलाई १७.५०% लाभांश दिनेभएको छ। संस्थाको मंगलवार बसेको संचाक समितिको बैठकले उक्त लाभांश दिने निर्णय गरेको हो । जुन चार वर्ष यताकै उच्च लाभांश हो।
जसमा १० प्रतिशत बोनस शेयर र ७.५० प्रतिशत नगद लाभांश छ । गत वर्ष संस्थाको लाभांश दर आठ प्रतिशत थियो भने अघिल्लो वर्ष सोही अवधिमा उसको लाभांश दर पाँच प्रतिशत थियो ।
आर्थिक वर्ष २०७२र७३ मा लाभांश दर १०.५२ प्रतिशत थियो । संस्थाले घोषणा गरेको लाभांश राष्ट्र बैक र साधारणसभाले पारित गरेपछि शेयरधनीले पाउने छन् ।
हाल संस्थाको चुक्ता पुँजी १२ करोड १० लाख छ भने जगेडा कोषमा चार करोड ५७ लाख रूपैयाँ छ । गत वर्ष दुई करोड ७४ लाख रूपैयाँ आम्दानी गरेको उक्त संस्थाको प्रतिशेयर आम्दानी २२ रूपैंयाँ ६८ पैसा र प्रति शेयर नेटवर्थ एक सय ३८ रूपैंयाँ छ ।
वि.सं.२०७६ पुस १० बिहीवार १३:२९ मा प्रकाशित