काठमाडौं । लुम्बिनी विकास बैंकको ५ प्रतिशत बोनस सेयरमा मूल्य समायोजन भएको छ । समायोजनपछि प्रतिकित्ता यसको भाउ १९४ रुपैयाँ २९ पैसा तोकिएको छ ।
बुधबार यही मूल्यलाई आधार मानेर सेयर कारोबार खुला भएको छ । पुस २९ गते साधारण सभा बोलाएको यस बैंकले आज बुधबारबाट बुक क्लोज गरेको हो । मंगलबार (पुस २२ गते) सम्म कायम सेयरधनीले लाभांश पाउनेछन् ।
बैंकले गत वर्षको नाफाबाट ५ प्रतिशत बोनस सेयर र १५ प्रतिशत नगद लाभांश वितरण गर्न लागेको हो । सभा अमृतभोग, कालिकास्थानमा बिहान ११ बजे सुरु हुनेछ ।
कुनै बैंक तथा वित्तीय संस्थासँग मर्जर वा एक्विजिसनमा जाने सम्झौता गर्नुपरेमा सबै अख्तियारी सञ्चालक समितिलाई दिने एजेन्डा पनि छ ।
२०७६ पुस २३ गते प्रकाशित
वि.सं.२०७६ पुस २३ बुधवार ११:३२ मा प्रकाशित