काठमाडौं । साताको दोस्रो दिन सोमबार सेयर बजार १५ अंकले बढेको छ । सेयर बजार बढेर नेप्से परिसूचक १ हजार २७० अंकमा पुगेको छ । गत सातादेखि बढ्दै आएको सेयर बजारले साताको दोस्रो दिन पनि निरन्तरता कायम गरेको छ ।
सोमबार १ अर्ब ७० करोड ५० लाख रुपैयाँ बराबरको ५५ लाख १८ हजार ६३६ कित्ता सेयर किनबेच भएको छ । पछिल्लो समयमा यो सबैभन्दा बढी सेयर कारोबार हो । सबैभन्दा बढी नेपाल टेलिकमको सेयर किनबेच भएको छ ।
टेलिकमको प्रतिकित्ता ६४५ रुपैयाँमा ६ करोड ४ लाख ५५ हजार रुपैयाँको सेयर किनबेच भएको छ । यस्तै नेपाल लाइफ इन्स्योरेन्स कम्पनी लिमिटेडको प्रतिकित्ता १ हजार १ रुपैयाँमा ५ करोड ९७ लाख १४ हजार रुपैयाँको सेयर किनबेच भएको छ ।
सोमबार उत्पादन र लघुवित्त बाहेक बैंक तथा वित्तीय संस्था, होटल, जलविद्युत र बीमालगायत सबै परिसुचक बढेको छ ।घोडाघोडी लघुवित्त, सानिमा हाइड्रोपावर र चिलिमे हाइड्रोपावरका लगानीकर्ताले कमाएका छन ।
वि.सं.२०७६ पुस २८ सोमवार १५:२८ मा प्रकाशित
