काठमाडौं । सानिमा जनरल इन्स्योरेनसको दोस्रो वार्षिक साधारण सभा माघ २४ हुने भएको छ । सभा होटल एल्लो पेगोडा कान्तिपथ, काठमाडौंमा बिहान ११.३० मा शुरु हुने भएको छ ।
कम्पनीको पुस २२ गते बसेको सञ्चालक समितिको बैठकले साधारण सभा गर्ने निर्णय गरेको हो । साधारण सभाको विशेष प्रस्तावमा सर्वसाधारणका लागि आईपीओ निष्कासन गर्ने सम्पूर्ण कार्य गर्न सञ्चालक समितिलाई अख्तियारी प्रदान गर्ने रहेको छ । सानिमाले ३० करोड रुपैयाँ बराबरको ३० लाख कित्ता आईपीओ निष्कासन गर्न लागेको हो ।
साथै कम्पनीले सभामा आर्थिक वर्ष २०७५/०७६ को वार्षिक प्रतिवेदन पारित गर्ने, सोही आवको नफा नोक्सान हिसाब गर्ने र लेखा परीक्षको नियुक्ति गरी निजको पारिश्रमिक निर्धारण समेत गर्नेछ ।
२०७६ पुस २९ गते प्रकाशित
वि.सं.२०७६ पुस २९ मंगलवार ०८:४५ मा प्रकाशित
