काठमाडौं । साताको पहिलो दिन आईतबार सेयर बजार ३३.४३ अंक बढेको छ । बजार बढेर नेप्से परिसूचक १ हजार ३४३ अंकमा पुगेको छ । बजार बढेसंगै कारोबार रकममा पनि वृद्धि भएको छ ।
आइतबार २ अर्ब ९ करोड रुपैयाँ बराबरको ६१ लाख ३१ हजार ४१८ कित्ता सेयर किनबेच भएको छ । बजार बढ्दा सबैभन्दा बढी हिमालयन डिष्टिलरी लिमिटेड र शिवम सिमेन्ट लिमिटेडको कारोबार भएको छ ।
हिमालयनको प्रतिकित्ता १ हजार ३०० रुपैयाँमा १२ करोड १५ लाख ५९ हजार रुपैयाँ बराबरको सेयर किनबेच भएको छ । यस्तै शिवम सिमेन्टको ५४२ रुपैयाँमा १० करोड रुपैयाँको सेयर किनबेच भएको छ ।
नेपाल लाइफ इन्स्योरेन्स कम्पनी लिमिटेडको १ हजार ९० रुपैयाँमा ८ करोड ७९ लाख रुपैयाँको सेयर किनबेच भएको नेपाल स्टक एक्सचेन्ज लिमिटेडले जनाएको छ । यी कम्पनीको सेयर मूल्य पनि बढेको छ ।
व्यापार बाहेक सबै परिसूचक बढेको छ । लक्ष्मी इक्विटी फण्ड, हिमालयन जनरल इन्स्योरेन्स, जानकी फाइनान्स, प्राइम लाइफ इन्स्योरेन्स र सिद्धार्थ इन्योरेन्सका लगानीकर्ताले कमाएका छन ।
२०७६ माघ ०५ गते प्रकाशित
वि.सं.२०७६ माघ ५ आइतवार १५:१३ मा प्रकाशित
