![इन्भेष्टमेन्ट बैंकको नगद लाभांश आयो सेयरधनीको खातामा इन्भेष्टमेन्ट बैंकको नगद लाभांश आयो सेयरधनीको खातामा](https://www.arthatantra.com/wp-content/uploads/2020/01/dividend.jpg)
काठमाडौं । नेपाल इन्भेष्टमेन्ट बैंकले सेयरधनीलाई ८.५ प्रतिशत नगद लाभांश बैंकमा खातामा पठाइदिएको छ । बैंकले पुस २४ गतेसम्म डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो ।
त्यस मितिपछि बैंक खाता अद्यावधिक गर्नेहरुको हकमा पनि नगद जम्मा गर्ने तयारी भइरहेको रहेको बैंकले जानकारी गराएको छ ।
नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न इन्भेष्टेमन्टले भनेको छ । अपडेट गरेपछि लाभांश पाइनेछ ।
इन्भेष्टमेन्ट बैंकको पुस २८ गते बसेको साधारण सभाले आर्थिक वर्ष २०७५–७६ को नाफाबाट १०.५ प्रतिशत बोनस सेयर र ८.५ प्रतिशत नगद लाभांश वितरण गर्ने प्रस्ताव पारित गरेको थियो । बोनस सेयर डिम्याट खातामा पठाउन भने केही समय लाग्नेछ ।
२०७६ माघ ०७ गते प्रकाशित
वि.सं.२०७६ माघ ७ मंगलवार १०:४५ मा प्रकाशित