काठमाडौं । नबिल बैंक र आईसीएफसी फाइनान्सले ऋणपत्र जारी गर्न नेपाल धितोपत्र बार्डको अनुमति पाएका छन् ।
यी दुई कम्पनीले ऋणपत्र जारी गर्न बोर्डबाट माघ ६ गते अनुमति पाएका हुन ।नबिल बैंकले १० प्रतिशत ब्याजदरमा विसं २०८२ सम्मको लागि ऋणपत्र जारी गर्नेछ ।
बैंकले २० लाख कित्ता ऋणपत्र जारी गर्नेछ । सो मध्ये ८ लाख कित्ता सर्वसाधारणको लागि र १२ लाख कित्ता व्यक्तिगत संघसंस्थालाई विक्री गर्नेछ । विक्री प्रबन्धकमा लक्ष्मी क्यापिटल मार्केट लिमिटेड रहेको छ ।
आईसीएफसी फाइनान्स कम्पनीले १२ प्रतिशत ब्याजदरमा विसं २०८३ सम्मको लागि २ लाख कित्ता ऋणपत्र जारी गर्नेछ ।
२ लाख कित्ता मध्ये ८० हजार कित्ता सर्वसाधारणको लागि र १ लाख २० हजार कित्ता व्यक्तिगत संघसस्थाको लागि विक्री गर्नेछ । विक्री प्रबन्धकमा ग्लोबल आइएमई क्यापिटल लिमिटेड रहेको छ ।
२०७६ माघ ०७ गते प्रकाशित
वि.सं.२०७६ माघ ७ मंगलवार १६:२८ मा प्रकाशित
