काठमाडौं । बिहीवार नेप्से कारोबार भएको तेस्रो घण्टामा ७ दशमलव ७८ अंकले घटेर १ हजार ३०५ दशमलव ६४ विन्दुमा पुगेको छ ।
१ हजार ३१४ दशमलव १७ विन्दुबाट शुरु भएको परिसूचक कारोबारकोे सो अवधिमा शून्य दशमलव ५९ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये ५ समूह बाहेक बाँकी सबै समूहको परिसूचक बढेको छ । तेस्रो घण्टाको कारोबारमा १७० ओटा कम्पनीको रू. ९० करोड बराबरको शेयर कारोबार भएको हो ।
यस अवधिमा नेपाल लाइफ इन्स्योरेन्स कम्पनीको सर्वाधिक कारोबार भएको छ । कम्पनीको रू. १५ करोड ५४ लाख बराबरको शेयर कारोबार भएको छ ।
सो समयमा कम्पनीको शेयरमूल्य रू. १ हजार ११४ मा कारोबार भइरहेको छ । सो समयावधिसम्म कञ्चन डेभलपमेन्ट बैंकको शेयरमूल्य ७ दशमलव ७२ प्रतिशत बढेको छ भने सिद्धार्थ इक्विटि फन्डको एकाई मूल्य ५ दशमलव ३७ प्रतिशत घटेको छ ।
२०७६ माघ ०९ गते प्रकाशित
वि.सं.२०७६ माघ ९ बिहीवार १४:०१ मा प्रकाशित