काठमाडौं । लुम्बिनी जनरल इन्स्योरेन्स कम्पनी लिमिटेडले शेयरधनीहरुको लागि आर्थिक वर्ष २०७५/०७६ को मुनाफाबाट १० दशमलव २३७५ प्रतिशत लाभांशको प्रस्ताव गरेको छ ।
कम्पनीले चुक्तापूँजीको ९ दशमलव ७५ प्रतिशत बोनस शेयर र कर प्रयोजनको लागि शून्य दशमलव ४८७५ प्रतिशत नगद लाभांश दिने घोषणा गरेको हो ।
कम्पनीको माघ १२ गते बसेको २०२औं सञ्चालक समितिको बैठकले उक्त निर्णय गरेको हो । प्रस्तावित उक्त लाभांश बीमा समितिबाट स्वीकृत भएपछि र कम्पनीको आगामी साधारण सभाले पारित गरेपछि शेयरधनीहरुले पाउनेछन् ।
हाल कम्पनीको चुक्तापूँजी रू. ८८ करोड रहेको छ । ९ दशमलव ७५ प्रतिशत बोनस वितरण पश्चात उक्त पूँजी रू. ९६ करोड ५८ लाख पुग्नेछ ।
२०७६ माघ १३ गते प्रकाशित
वि.सं.२०७६ माघ १३ सोमवार ११:३९ मा प्रकाशित