काठमाडौँ । सोमबार सेयर बजारमा हरियाली छाएको छ । सोमबार सेयर बजार २३.९५ विन्दुले बढेर १३००.६२ मा पुगेर रोकिएको छ ।
आज २४ लाख ९ हजार २ सय ६२ कित्ता सेयर ९१ करोड ७३ लाख ५९ हजार ८ सय ६८ रुपैयाँमा कारोबार भएको छ ।
कारोबार रकमको आधारमा नेपाल लाइफ इन्सयोरेन्सको सबैभन्दा बढी कारोबार भएको छ ।
नेपाल लाईफको ८ करोड ४ लाख २८ हजार ४ सय ६९ रुपैयाँ बराबरको कारोबार भएको छ । सबैभन्दा कम भने नेपाल बैंक लिमिटेडको २ करोड ८ लाख २२ हजार ८ सय ५४ रुपैयाँ बराबरको कारोबार भएको छ ।
सोमबार बैंकिङ, ट्रेडिङ, होटल, विकास बैंक, हाइडो« पावर कम्पनी लगायतका सबै कम्पनीहरुको कारोबार बढेको छ । नेरुडे लघुवित्त वित्तीय विकास बैंक, फस्ट फाइक्रोफाइनान्स डेभलपमेन्ट बैंक, आशा लघुवित्त वित्तीय संस्था, गुँरास लघुवित्त वित्तीय संस्थाका लगानीकर्ताले कमाउँदा जोशी हाईड्रोपावर डेभलपमेन्ट कम्पनी, यूनाइटेड फाइनान्स, दिव्यश्वरी हाईड्रोपावर, सम्बृद्धि फाइनान्सका लगानीकर्ताले गुमाएका छन् ।
२०७६ माघ १३ गते प्रकाशित
वि.सं.२०७६ माघ १३ सोमवार १५:१० मा प्रकाशित
