काठमाडौं । सडक सवारीलाई व्यवस्थित बनाउनको लागि सरकारले सवारी चालकले नियम विपरित सवारी चलाउने चालकलाई दण्ड जरिवाना बढाएको छ ।
सरकारले नयाँ बनाएको सडक सवारी तथा यातायात सम्बन्धमा व्यवस्था गर्न बनेको सवारी तथा यातायात व्यवस्था ऐन २०७६ सवारी चालकले नियम विपरित सवारी चलाएमा न्यूनतम ३ हजार रुपैयाँ कायम गरेको कारोबार दैनिकले खबर छापेको छ ।
सडक यातायातलाई सहज, सुलभ, भरपर्दो, सुरक्षित बनाएर यात्रु मैत्री वातावरण लिएको छ । कुनै एक प्रयोजनको लागि दर्ता भएको सवारी अन्य प्रयोजनमा प्रयोग गरेमा १० देखि ३० हजारसम्म जरिवाना कायम गरिएको छ ।
चालक अनुमति पत्र नलिई सवारी चलाएमा ५ देखि १५ हजार रुपैयाँ, सवारी दर्ता उल्लेख भएवमोजिम भन्दा अर्का नम्बर प्लेट राखी सवारी चलाएमा प्रमुख अधिकारीले ६ महिना जेल र १० देखि ३० हजारसम्म जरिवाना गर्न सक्नेछ ।
सिट क्षमता भन्दा बढी यात्रु वा माल सामान बोकेमा ५ देखि १० हजार जरिवाना कायम गरिएको छ । स्वीकृति नलिई सवारीको रंग, रुवरुप परिवर्तन गरेमा ५ देखि १५ हजार जरिवाना हुने नयाँ ऐनमा व्यवस्था गरेको छ ।
२०७६ माघ १४ गते प्रकाशित
वि.सं.२०७६ माघ १४ मंगलवार ०७:०१ मा प्रकाशित
