काठमाडौं । चालु आर्थिक वर्षको दोस्रो त्रैमाशमा लक्ष्मी बैंकले नाफा बढाएको छ । पुससम्म बैंकले ९० करोड ३० लाख रुपैयाँ खुदनाफा गरेको छ ।
गत आर्थिक वर्षको सोही अवधिमा बैंकले ७२ करोड ३७ लाख रुपैयाँ खुदनाफा गरेको थियो । गत आर्थिक वर्षको तुलनामा चालु आर्थिक वर्षमा बैंकले १८ करोड रुपैयाँ नाफा बढाएको छ ।
६ महिनामा गरेको नाफाबाट बैंकले ५९ करोड रुपैयाँ नाफा वितरण गर्न सक्ने देखिएको छ । ६ महिनामा बैंकले १ अर्ब ७४ करोड रुपैयाँ खुदब्याज आम्दानी गरेको छ । अघिल्लो वर्षको सोही अवधिमा बैंकले १ अर्ब ४५ करोड रुपैयाँ ब्याज आम्दानी गरेको थियो ।
बैंकको निष्क्रिय कर्जा घटेर ०.८८ प्रतिशतमा झरेको छ । बैंकको निक्षेप लागत ७.२१, सीसीडी ७८.३५, आधारदर १० र स्प्रेडदर ४.३० प्रतिशत छ । बैंकको सञ्चित कोषमा २ अर्ब ३० करोड रुपैयाँ छ ।
२०७६ माघ १४ गते प्रकाशित
वि.सं.२०७६ माघ १४ मंगलवार ०९:२७ मा प्रकाशित