काठमाडौं । बैंक अफ काठमाण्डू लिमिटेडले संस्थापक शेयरधनी शक्ति कुमार गोल्याणको स्वामित्वमा रहेको संस्थापक शेयर लिलामीमा विक्री गर्ने भएको छ । बैंकले ३ लाख ७० हजार ३५६ कित्ता शेयर लिलामीमा विक्री गर्न लागेको छ ।
यस अघि बैंकले सो शेयर विद्यमान संस्थापकहरुलाई लिलाम बढाबढ प्रक्रियाबाट खरीद गर्न आव्हान गरेको भएपनि तोकिएको अवधिमा विद्यमान संस्थापकहरुले खरीदका लागि आवेदन नदिएपछि सो शेयर सर्वसाधारणमा बिक्री गर्न लागेको हो ।
उक्त शेयर खरीद गर्न ईच्छुक विद्यमान संस्थापक शेयरधनी लगायत अन्य ईच्छुक व्यक्ति, कम्पनी, संघ संस्थाहरुले माघ २२ गतेभित्र बैंकको शेयर रजिष्ट्रार एनएमबि क्यापिटलमा शिलबन्दी बोलपत्र पेश गनुपर्ने छ ।
लगानीकर्ताले न्यूनतम १० हजार कित्तादेखि सो भन्दा बढीको लागि १० अंकको गुणाङ्कमा नेपाल राष्ट्र बैंकले तोकेको प्रति व्यक्तिरसंस्था सीमाको अधिमा रहने गरी अधिकतमा सम्पूर्ण कित्ताको लागि आवेदन दिन सक्नेछन् ।
लिलामी शेयरमा आवेदन दिनको लागि माघ १५ गतेदेखि २२ गतेसम्म अवधि तोकिएको छ । शेयरको न्यूनतम मूल्य रू. ६० तोकेको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । कम्पनीको विक्री प्रबन्धकमा एनएमबि क्यापिटल लिमिटेड रहेको छ ।
२०७६ माघ १५ गते प्रकाशित
वि.सं.२०७६ माघ १५ बुधवार १०:३५ मा प्रकाशित
