काठमाडौं । कृषि विकास बैंकले हेटौंडाको सहिद स्मारकमा पर्यटन सूचना केन्द्र (नमस्ते सेन्टर) स्थापना गर्नका लागि आर्थिक सहयोग गरेको छ ।
बैंकले भिजिट नेपाल २०२० को सचिवालय र प्रदेश सरकारसँगको सहकार्यमा ९ लाख ५० हजार रुपैयाँ सहयोग गरेको हो ।
बैंकले मङ्गलबार सहिद स्मारक पार्कलाई सामाजिक सामुदायिक कार्यक्रमअन्तर्गत उक्त रकम प्रदान गरिएको बैंकले जनाएको छ ।
पर्यटक तथा आगन्तुकको सुविधालाई ध्यानमा राखी सोही नमस्ते सेन्टर रहेको परिसरमा बैकले आफ्नो नयाँ एटिएम मेसिनसमेत राखेको छ।
प्रदेश सरकारका पर्यटन, वन तथा वातावरणमन्त्री अरुण नेपाल र कृषि विकास बैंकका प्रमुख कार्याकारी अधिकृत अनिलकुमार उपाध्यायले संयुक्त रूपमा उक्त एटिएमको उद्घाटन गरेका थिए।
भिजिट नेपाल २०२० लाई सफल बनाउने क्रममा बैंकले सुरुदेखि नै सहयोग गर्दै आएको जनाएको छ ।
२०७६ माघ १५ गते प्रकाशित
वि.सं.२०७६ माघ १५ बुधवार १७:२५ मा प्रकाशित