पोखरा । पोखराको लामाचौरमा आजदेखि तीज महोत्सव र राष्ट्रिय महिला भलिबल प्रतियोगिता सुरु भएको छ ।
नव आदर्श सामुदायिक विकास समाजको आयोजनामा आजदेखि १९ गतेम्म हुने सो भलिबल प्रतियोगितामा ६ समूहको सहभागिता रहेको छ ।
प्रतियोगितामा सशस्त्र प्रहरी बल, नेपाल आर्मी क्लब, नेपाल प्रहरी क्लब, न्यू डायमन्ड एकेडेमी, पश्चिमान्चल टप्स मावि र मध्य–पश्चिमाञ्चल भलिबल समूहको सहभागिता रहने छ ।
प्रतियोगितामा प्रथम हुने समूहले रु ७५ हजार १०१, द्वितीयले रु ५० हजार १०१ र तृतीयले रु ३० हजार १०१ नगदसहित सिल्ड, पदक र प्रमाणपत्र दिइने छ ।
यस्तै सोही अवसरमा अन्तरमावि छात्रा भलिबल प्रतियोगिता पनि आयोजना गरिने छ । प्रतियोगितामा प्रथम र द्वितीय हुने समूहलाई क्रमशः रु .२५ हजार १०१ र रु १५ हजार १०१ उपलब्ध गराउने समाजका पूर्व अध्यक्ष सञ्जय अधिकारीले जानकारी दिनुभयो ।
प्रकाशितः २०७३ भदौ १७
वि.सं.२०७३ भदौ १७ शुक्रवार १६:३३ मा प्रकाशित
