काठमाडौ । बडादशैंको घटस्थापनाको दिन, सबैतिर दशैंको माहोलले बजारमा रौनक छाएको छ । तर यहाँ नेपाल हबाइ प्राधिकरणमा कार्यरत श्रमिकलाई भने दशैको खर्चको जोहो कसरी पर्ने भन्ने चिन्ता मात्रै छ । नेपाल नागरिक उड्डयन प्रधिकरण अन्तर्गत ठेकेदार कम्पनीमार्फत त्रिभुवन अन्तर्राष्ट्रिय विमानस्थल(एयरपोर्ट) मा कार्यरत करिब ४ सय श्रमिकहरुको दशैं कसरी बित्ने भन्ने चिन्ता सुरु भएको छ ।
यता नेपाल नागरिक उड्डयन प्राधिकरणका डिजि (महानिर्देशक), निर्देशक, मन्त्री सबै बिदेशमा सरर जाहाज चढेर क्यानडातिर मोज गरेर हिंडिरहेको श्रमिकहरुले बताएका छन् । तर श्रमिकको समस्या प्रति न त सरकार, न त हवाइ प्राधिकरण कोहि कसैलाई कुनै मतलव छैन । मजदुरहरुले यस विषयमा बारम्बार कुरा राख्दा पनि सम्बन्धीत निकाय कानमा तेल हालेझैं गरेर मौन बस्ने गरेको उनीहरुले बताएका छन् ।छ । ठेकेदार कम्पनीहरु यो आफ्नो काम नभएको भन्दै पन्छिने गरेका उनीहरुले बताएका छन् ।
मजदुरहरुले पर्यटन मन्त्रालयका सचिव शंकरप्रसाद अधिकारीलाई पनि सम्पर्क गरेर आफ्ना समस्याबारे जानकारी गराएको बताएका छन् । तर सचिव अधिकारीले आफुलाई यस विषयमा कुनै थाहा नभएको भन्दै पन्छिने गरेको उनीहरुको दुखेसो छ ।
काममा लगाउने र मजदुरप्रति जिम्मेवार नहुने व्यवस्थापकलाई सरकारले कारबाही गर्नुपर्ने मजदुरहरुको माग छ । एयरपोर्टको सुधारका पक्षमा समय समयमा आवाज उठाउँदै आएको यूनिट्राभले यसअघि नै यस विषयमा सम्बन्धीत निकायको ध्यानाकर्षण गराएको पनि जनाएको छ । तर सम्बन्धित निकाय यस विषयप्रति बेखबर जस्तै बनेको भन्दै उसले मजदुर मारेर एयरपोर्ट चलाउनुको आवश्यकता नरहेको भन्दै मजदुरले पाउनुपर्ने रकम तथा सुबिधा समयमै उपलब्ध नभए एयरपोर्ट ठप्प पारिदिने दिएको चेतावनी छ ।
प्रकाशित मितिः २०७३ असोज १५
वि.सं.२०७३ असोज १५ शनिवार १६:३६ मा प्रकाशित