काठमाडौँ । सशस्त्र प्रहरीका पूर्वमहानिरीक्षक सनतकुमार बस्नेतसहित ७ जनाविरुद्ध अख्तियार दुरुपयोग अनुसन्धान आयोगले भ्रष्टाचार मुद्धा दायर गरेको छ ।
सशस्त्र प्रहरी महानिरीक्षक हुँदा सामान ढुवानीमा भ्रष्टाचार गरेको भन्दै अख्तियारले विशेष अदालतमा मुद्धा दायर गरेको हो । उनी २०६६ वैशाखदेखि ०६८ साउनसम्म सशस्त्र प्रहरी महानिरीक्षक थिय । अख्तियारले सामान ढुवानी नगरी सञ्चालनमै नभएका ट्रान्सपोर्टहरुको झुट्ठा बिल बनाएको आरोपपत्रमा जनाएको छ ।
अख्तियारले बस्नेतसँग ९ करोड १५ लाख ८१ हजार १ सय ५१ रुपैयाँ बिगोदाबी गरेको छ । अख्तियारले बस्नेतसहित थप सशस्त्र प्रहरी अधिकारीविरुद्ध पनि विदेश अदालतमा मुद्धा दायर गर्दै बिगो रकम मागेको छ ।
सशस्त्र प्रहरी निरीक्षक विनबहादुर थापासँग ९ करोड १५ लाख ८१ हजार १ सय ५१, सशस्त्र प्रहरी निरीक्षक मनुहिरा महतसँग ७३ लाख, २३ हजार ८ सय ५४, सशस्त्र प्रहरी निरीक्षक शिवबहादुर अधिकारीसँग देवेन्द्रकुमार श्रेष्ठसँग ८३ लाख ८३ हजार १ सय ३६, सशस्त्र प्रहरी नायब निरीक्षक निलबहादुर श्रेष्ठसँग १ करोड ६ लाख ६४ हजार ७ सय ३४ र सशस्त्र प्रहरी नायब निरीक्षक लेखबहादुर खत्रीसँग १ करोड ६ लाख २९ हजार ७ सय १२ रुपैयाँ बिगोदाबी गरेको छ ।
यसअघि सशस्त्रका पूर्वमहानिरीक्षकहरु कोषराज वन्त, शैलेन्द्र श्रेष्ठ र वासुदेव वलीविरुद्ध मुद्धा दायर भइसकेको छ ।
१७ फागुन २०७२ / ८:४७
वि.सं.२०७२ फागुन १७ सोमवार २०:५१ मा प्रकाशित