भक्तपुर । राष्ट्रिय निजी तथा आवासीय विद्यालय एसोसियसन नेपाल (एनप्याब्सन) भक्तपुरले ६सय ५ विद्यार्थीलाई सम्मान गरेको छ । एनप्याब्सन भक्तपुरले बधाई कार्यक्रमआइतबार बधाई कार्यक्रम गरेरे २०७२ र ०७३ सालमा एसईई परीक्षा उत्तीर्ण भई उत्कृष्ट नतिजा ल्याउन सफल विद्यार्थी सम्मानित भएका हुन् ।
एनप्याब्सनका अध्यक्ष कर्णबहादुर शाहीले विद्यार्थीलाई सम्मान गर्दै सधैँ सही मार्गमा हिँड्न आग्रह गरे । जीवी खड्काको सभापतित्वमा सम्पन्न उक्त कार्यक्रममा बि. स २०७३ मा उत्कृष्ट नतिजा ल्याउन सफल छात्रतर्फ पारगण एकेडेमीका प्रविण थापामगर र छात्रातर्फ विमल मेमोरियल स्कुलका अनुजा राउत सम्मानित हुनुभएका छन् । एसईई परीक्षामा ३ दशमलव २ जिपिएभन्दा माथि ल्याएका विद्यार्थीलाई पनि सम्मान गरिएको छ ।
कार्यक्रममा एनप्याब्सन भक्तपुरका सल्लाहकार राजेन्द्र कोजू, एमनेस्टी इन्टरनेसनलका विक्रम ढुकुछु, संस्थागत विद्यालय सङ्घ नेपाल भक्तपुरका अध्यक्ष पुरुषोत्तम ग्वाछा, मोर्डन माविका प्रअ अनिल कसपाललगायतले विद्यार्थीका लागि मार्गनिर्देशनको आवश्यकता औँल्याउँदै विद्यार्थी समयमै सचेत नहुँदा जीवनभर पछुताउनुपर्ने विचार व्यक्त गरे ।
प्रकाशित मितिः २०७४ असार १९
वि.सं.२०७४ असार १९ सोमवार ११:०४ मा प्रकाशित