ठमाडौं । निर्वाचन आयोगले चितवनको भरतपुरमा मतगणनाका क्रममा च्यातिएको मतपत्रका बारेमा दिनभर छलफल गरे पनि निर्णय गर्न सकेन । निर्वाचन आयोगले कति मत च्यातिएको छ, कति कुन अवस्थामा छ भन्ने बारेमा त्यहीँका उमेदवार, प्रमुख जिल्ला अधिकारीको रोहवरमा सिल गरिएको क्षेत्रलाई खोलेर अध्ययन गर्न जिल्ला निर्वाचन कार्यालयलाई निर्देशन दिएको छ ।
यसअघि भरतपुर महानगरपालिका वडा नम्बर १९ को मतपत्र च्यातिएको सम्बन्धमा छानविन गर्न बनेको समितिले निर्वाचन आयोगमा आफ्नो प्रतिवेदन बुझाएको थियो ।
मतगणना भैरहेका बेला माओवादी केन्द्रका दुई जना कार्यकर्ताले करिब एक सय जति मतपत्र च्यातेका थिए । च्यातिएको विषयलाई अनुसन्धान गर्न बनेको समिति भरतपुर पुगेर फर्किएपछि आफ्नो रिपोर्ट आयोगमा बुझाएको छ ।
निर्वाचन आयोगले भरतपुरमा घटेको घटना छानविन गरेर प्रतिवेदन बुझाउन सहन्यायाधीवक्ता गिता तिमिल्सिनाको नेतृत्वमा छानविन समिति गठन गरेको थियो ।
छानविन समितिले दिएको प्रतिवेदनको आधारमा भरतपुरमा पुनः निर्वाचन गराउने कि मतगणना भन्ने निर्णय हुनेछ ।
समितिका प्रतिनिधि भरतपुर पुगेर फर्किएपछि प्रतिवेदन तयार पारेका हुन् ।
१७ जेठ २०७४
वि.सं.२०७४ जेठ १७ बुधवार २०:०६ मा प्रकाशित