चितवन । भरतपुर महानगरपालिकाको मतगणनास्थलमा माओवादी कार्यकर्ताले मतपत्र च्यात्दा ९० मत गन्नै नमिल्ने गरी नष्ट भएको पाइएको छ । निर्वाचन आयोगको निर्देशनपछि मुख्य निर्वाचन आधिकृतको कार्यालयले आज दिउँसो राजनीतिक सहमतिको आधारमा च्यातिएको मत गनेको हो ।
जसमा ९९८ मत गन्न मिल्ने अवस्थामा रहेको र ९० मत गन्नै नमिल्ने गरी नष्ट भएको पाइएको छ । भरतपुरको १९ नम्बर वडामा जम्मा २८९७ मत खसेको थियो । गनेको १८०९ मत, गन्न बाकी ९९८ र गन्न नमिल्ने टुक्रा भएको ९० मतपत्र भएको निर्वाचन अधिकृतको कार्यालयले जनाएको छ ।
प्रकाशित मितिः २०७४ जेठ १८
वि.सं.२०७४ जेठ १८ बिहीवार १६:३१ मा प्रकाशित