काठमाण्डौं । आगामी असारभित्र सबै ट्याक्सीमा कम्प्युटराइज्ड बिलिङ मेसिन जोडिने भएको छ । नापतौल तथा गुणस्तर विभागले साउनको पहिलो साता लाग्दासम्म सबै ट्याक्सीको मिटरमा कम्प्युपराज्ड बिल प्रिन्टर जोडिसक्ने गरी तालिका सार्वजनिक गरेको छ ।
अब बिलिङ सिस्टम जडान नगर्ने ट्याक्सीको मिटर नवीकरण गरिने छैन । अहिले दैनिक सरदर २० देखि २५ वटा ट्याक्सीले मात्रै मिटर नवीकरण गरिरहेका छन् ।
मिटरमा आधुनिक बिलिङ सिस्टम नजोडेसम्म ट्याक्सीको मिटर नवीकरण रोकिनेछ । अब ट्याक्सी नाम सारी गर्दासमेत अनिवार्य प्रिन्टर जडित मिटर हुनै पर्ने ब्यवस्था गरिएको छ ।
विभागले बनाएको तालिकाअनुसार प्रत्येक हप्ता ५ सय ट्याक्सीले मिटर जोड्नेछन् । अटेर गर्ने ट्याक्सीलाई अनुगमन गरी कारवाही गर्ने विभागका महानिर्देशक विश्वबाबु पुडासैनीले अनलाइनखबरलाई जानकारी दिए । यो अवधिमा झण्डै साढे ९ हजार ट्याक्सीले यो मिटर जडान गर्नुपर्नेछ ।
२१ पुस २०७३, ११।००
वि.सं.२०७३ पुस २१ बिहीवार ११:३९ मा प्रकाशित
