काठमाण्डौं । सेयर विश्लेषक रविन्द्र भट्टराईको पुस्तक ‘सेयरबाट करोडपति’को तेस्रो संस्करण बजारमा आएको छ । विमोचन भएको एक हप्तामै पहिलो पाँच हजार प्रति बिक्री भएको पुस्तकको दोस्रो सँस्करण गत असारमा बजारमा आएको थियो । उक्त संस्करणको पाँच हजार प्रति बिक्री भए पछि परिमार्जन गर्दै केही विषय थप गरेर भट्टराईले तेस्रो संस्करण बजारमा ल्याएका हुन् । पुस्तकको पहिलो संस्करण गत जेठ १२ गते सार्वजनिक भएको थियो ।
पुस्तकका लेखक भट्टराईका अनुसार पुस्तकको तेस्रो संस्करणमा धेरै विषय बस्तु थप गरिएको छ भने कतिपय पुनर्लेखन गरिएको छ । ‘भाषागत त्रुटि हटाइएको छ । जसले पाठकलाई पढ्न अझ बढी उत्प्रेरित गर्ने छ । दोस्रो सँस्कणको तुलनामा पुस्तकको आकार केहि बढेको भए पनि मूल्य भने यथावत राखिएको छ’ लेखक भट्टराईले भने ।
११ पुस २०७३, ११।००
वि.सं.२०७३ पुस ११ सोमवार ११:४७ मा प्रकाशित