काठमाण्डौं । राष्ट्रिय स्तरका बाणिज्य र विकास बैंकमा खाता हुनेले अब सेयरको प्राथमिक निस्कासन (आइपिओ)मा आवेदन दिन लाइन बसिरहनु नपर्ने भएको छ। आवेदन गर्ने बराबरको रकम आफ्नो खातामा रोक्का राखि घरै बसि बसि अनलाइनबाट आवेदन दिन पाइनेछ।
विकसित देशमा प्रचलनमा आइ सकेको एप्लिकेसन सपोर्टेड बाइ ब्लक्ड एमाउन्ट (आश्वा) प्रविधी कार्यान्वयनमा ल्याइ धितोपत्र बोर्डले यो सुविधा दिन लागेको हो। बोर्डले कार्यान्वयनमा जानु अघिनै आश्वाको सुरुमा भनिएको मोडालिटी समेत थप सहज बनाउने भएको छ।
सुरुमा कम्तिमा २० जिल्ला सहित उपत्यकामा चार शाखा भएको राष्ट्रिय स्तरको बाणिज्य र विकास बैंकलाई मात्र आश्वाको अनुमति दिने बताएकोमा बोर्डले त्यसलाई सहज बनाउन लागेको हो।
आश्वाको सदस्यता पाएको बैंक तथा वित्तिकय संस्थामा खाता हुनेले कुनै कम्पनीको प्राथमिक सेयर आवेदनमा लाइन लाग्न जानु पर्दैन। उनीहरुले खाता रहेको बैंकमा पैसा रोक्का गरि अनलाइनबाट सेयर आवेदन दिन सक्नेछन्। यसले अहिले अढाइ महिना सम्म लागि रहेको सेयर बाँडफाँड अवधिलाई २० दिनमा झार्ने बोर्डको विश्वास छ।
बोर्डले यस बारेमा नेपाल बैंकर्स संघ र बिकास बैंक संघ लगायत सरोकारवालासँग छलफल गरिसकेको छ । अहिले राष्ट्रिरय स्तरका बाणिज्य र विकास बैंक समेटेर आश्वाको परिक्षण प्रयोग गर्न लागिएको हो। त्यसैले लगानीकर्ताले आश्वा वा अहिले चालु प्रणाली मध्ये जुनबाट पनि आईपीओमा सेयर आवेदन दिन सक्ने छन्।
५ मंसिर २०७३, ११।००
वि.सं.२०७३ मंसिर ५ आइतवार ११:४६ मा प्रकाशित