काठमाडौ । के तपाई बिना झन्झट घरमै बसी सेयर किन्न चाहनुहुन्छ ? हो तपाईको चाहना अब व्यवहारमा परिणत भएको छ । अब तपाई सेयर खरिद गर्नको लागि बिक्रि प्रबन्धककोमा गई राख्नु पर्दैन । तपाईले सेयर किन्दा बेहोर्नुपर्ने झमेला कम गराउन सिडिएस एण्ड क्लियरिङ लिमिटेडले सि–आश्वा प्रणाली पूर्ण रुपमा कार्यन्वयनमा ल्याएको छ ।
यो प्रणाली कार्यान्वयनमा आएसँगै अब घरमै बसेर आइपिओ, एफपिओ तथा हकप्रद शेयरमा आवेदन दिन सकिने भएको छ । यो प्रणालीले धितोपत्र बाँडफाँडको प्रक्रिया समेत छोटिने भएको छ ।
यो प्रणालीको प्रयोगले आवेदकको हितग्राही खाता आवेदन गर्नु पूर्व नै रुजु गरिने हुँदा कुनै पनि आवेदक हितग्राही खाता नमिलेको कारण बाँडफाँड प्रक्रियाबाट बञ्चित हुनु नपर्ने सिसडएसिले जनाएको छ ।
सिडिएसले सार्वजनिक सूचना प्रकाशित गर्दे पूर्ण रुपमा सि आश्वा प्रणाली लागु गरिएको जनाएको छ । सिडिएससिले सम्पुर्ण बैंक तथा वित्तीय संस्था, निष्काशनकर्ता, निष्काशन तथा बिक्री प्रबन्धक, लगानीकर्ताहरु तथा सम्बन्धित सरोकारवालाहरु सबैमा जानकारी गराएको छ ।
हालसम्म सि(आस्वा प्रणालीमा २५ वटा बैंक तथा वित्तिय संस्थाहरु आवद्ध रहेका छन् । सिडिएसले सदस्यता नलिएका बैंक तथा वित्तिय संस्थाहरुलाई अनुरोध समेत गरेको छ ।
त्यस्तै सिडिएसले लगानीकर्तालाई पनि आफ्नो बैंक खाता रहेको बैंक मार्फत सि आस्वामा दर्ताभई सि आस्वा रजिष्ट्रेशन नम्बर लिन आग्रह समेत गरेको छ ।
सि–आस्वामा एक पटक दर्ता भइसकेका लगानीकर्ताले घरमै बसेर इन्टरनेटको माध्यमबाट खरिद आवेदन दिन सक्नेछन ।
त्यस्तै बैंक तथा वित्तीय संस्थामा प्राप्त भएका आवेदन सम्बन्धि विवरण बिक्री प्रबन्धकलाई सफ्टवेयर मार्फत सोझै प्राप्त हुने हुँदा बाँडफाँडको प्रक्रिया समेत छोटिने सिडिएसीको भनाई छ ।
२०७४ माघ ९ गते प्रकाशित
वि.सं.२०७४ माघ ९ मंगलवार १४:१० मा प्रकाशित