हरिशरण न्यौपाने,काठमाडौ । राजधानीको चन्द्रगिरिमा संचालित प्रथम चन्द्रागिरी महोत्सवमा पहिलो पटक एकै ठाउँमा हजारौं व्यक्तिहरुको उपस्थितिमा गोरु जुधाई कार्यक्रम भएको छ । नयाँ वर्ष २०७४ को अवसरमा राजधानीको गुर्जुधारा चोकमा रहेको बलम्बु चौरमा आयोजित कार्यक्रममा गोरु जुधाई गरिएको हो । यो गोरु जुधाई राजधानीमा पहिलोपटक आयोजना गरिएको हो ।
चन्द्रागिरि नगरपालिका र बलामी फिल्म इन्टरटेन्मेन्टको संयुक्त रुपमा आयोजित महोत्सव बैशाख ६ गतेसम्म संचालन हुनेछ । गोरुजुधाई बैशाख ३ गतेसम्म हुने महोत्सव आयोजकले जानकारी दिएका छन् ।
गोरुजुधाइ प्रतियोगिताको लागि नुवाकोटको तारुका र धादिङको धुँवाकोटबाट ६ वटा गोरु ल्याइएको छ । यस्तै सोही ठाउँमा हिमालयन टाइगर समूहको रेस्लिङ खेल समेत हुने भएको छ । रेस्लिङ वैशाख ४ र ५ गते हुनेछ ।
फोटोमा हेर्नुहोस् महोत्सवका केहि झलकहरुः
प्रकाशित मितिः २०७३ बैशाख २
वि.सं.२०७४ वैशाख २ शनिवार १५:३३ मा प्रकाशित
