काठमाण्डौं । नेकपा एमालेले हालै आएको बाढी पहिरोमा परी ज्यान गुमाएकाको परिवारलाई २५ हजार आर्थिक सहायता प्रदान गर्ने भएको छ । एमाले केन्द्रीय कार्यालयको शुक्रबार बसेको बैठकले बाढी पहिरोमा परी ज्यान गुमाएकाहरुको परिवारलाई प्राकृतिक विपत्ति राहत कोषबाट यो रकम दिने निर्णय गरेको हो ।
एमालेले केन्द्रीय पदाधिकारी र सदस्य, सांसद र पार्टीको सिफारिसमा राजनीतिक नियुक्ति लिएकाहरुबाट प्राकृतिक विपत्ति राहत कोषमा ५ हजारका दरले रकम जम्मा गर्ने निर्णय थरेको छ । साथै सहयोगका लागि अपील गरेको छ ।
एमालेले बाढी पहिरोबाट विस्थापित भएकाहरुका पुनःस्थापनाको व्यवस्था मिलाउन माग गरेको छ । साथै पीडितको उद्धार तथा राहतमा जुट्न पनि सबैलाई आहृवान गरेको छ ।
१४ साउन २०७३, ४।३०
वि.सं.२०७३ साउन १४ शुक्रवार १६:३१ मा प्रकाशित