काठमाण्डौं । प्रधानमन्त्री प्रचण्डले भूकम्प पीडितलार्इ हेलिकोप्टरमा पैसा लगेर भएपनि ४५ दिनभित्रै पहिलो किस्ता बाँड्ने बताएका छन् । संचारकर्मीसँग कुराकानी गर्दै उनले पीडितले पाउनुपर्ने रकम हेलिकोप्टरमा हालेर सेना र प्रहरी लगेर बाँड्ने बताए ।
उनले भने, ‘मैले भनेको छु, ४५ दिनभित्र पहिलो किस्ता बाँडिसक्नुपर्छ । तपाईंहरुले अन्तिम एक साता बाँकी छँदै पनि बाँड्न सक्नुभएन भने हेलिकोप्टरमा पैसा हाल्नुस्। सेना पुलिस लगेर गाउँमा जाने र बाँडिनेछ ।’
सो क्रममा पुनर्निर्माणको काम संयन्त्रै संयन्त्रको सञ्जालमा फसेको समेत प्रधानमन्त्रीले बताए । उनले भूकम्प पीडितलार्इ तीन लाख रुपैयाँ नगद दिने बारेमा दातासँग समेत छलफल भएको बताए । अहिले भूकम्प पीडितलार्इ दुर्इ लाख रुपैयाँ दिने तयारी भइरहेको छ ।
८ भदौ २०७३, १।००
वि.सं.२०७३ भदौ ८ बुधवार १४:३९ मा प्रकाशित