काठमाडौँ । निर्वाचन क्षेत्र निर्धारण आयोगले प्रतिवेदन लेखन सम्पन्न गरेको छ । संघिय संरचना अनुसार नयाँ निर्वाचन क्षेत्र निर्धारणका लागि सरकारले गत साउन ५ गते सर्वोच्च अदालतका पुर्व न्यायाधीस कमल नारायण दासको संयोजकत्वमा आयोग गठन गरेको थियो ।
आयोगका संयोजक दासका अनुसार आयोगले मुलुकभर संघिय निर्वाचनका लागी १ सय ६५ र प्रादेशिक निर्वाचनका लागि ३ सय ३० निर्वाचन क्षेत्र निर्धारण गरेको छ । प्रधानमन्त्री शेरबहादुर देउवालाई भेटर प्रतिवेदन हस्तान्तरणको तयारी भईरहेको छ । सरकारले मंसिर १० गते संघिय र प्रतिनिधी सभाको निर्वाचन गर्ने घोषणा गरेपनि निर्वाचन क्षेत्र निर्धारण आयोगको प्रतिवेदन प्राप्त नहुँदा निर्वाचन आयोग समस्यामा छ ।
आयोगले प्रतिवेदन चाँडै उपलब्ध गराउन र निर्वाचन सम्बन्धि ऐन पारित गर्न प्रधानमन्त्री देउवाको पटक पटक ध्यानाकर्षण गराउदै आएको छ ।
प्रकाशित मितिः२०७४ भाद्र १२
वि.सं.२०७४ भदौ १२ सोमवार १०:५४ मा प्रकाशित
