काठमाडौ। एक्सेल डेभलपमेन्ट बैंक मंसिर १७ गते आफ्नो १२औँ वार्षिक साधारणसभा गर्दैछ । साधारणसभा प्रयोजनको लागि मंसिर ५ गतेदेखि मंसिर १७ गतेसम्म बैंकको बुक क्लोज हुने कम्पनीले जनाएको छ ।
साधारणसभामा कम्पनीले सेयरधनीलाई ३० प्रतिशत बोनस सेयर दिने सञ्चालक समितिको निर्णयलाई पारित गर्नेछ ।
हाल कम्पनीको चुक्ता पुँजी ५८ करोड ६८ लाख रुपैयाँ रहेको छ । ३० प्रतिशत बोनस सेयर पश्चात कम्पनीको पुँजी ७४ करोड रुपैयाँ नाघ्नेछ ।
यस्तै विजय लघुवित्त वित्तीय संस्थाको साधारणसभा मंसिर १६ गते हुँदैछ । साधारणसभा प्रयोजनका लागि कम्पनिले मंसिर १ देखि १६ सम्म बुक क्लोज गर्ने जानकारी दिएको छ ।
लघुवित्तले लगानीकर्तालाई १० प्रतिशत बोनस सेयर र ५ प्रतिशत नगद लाभाँश प्रदान गर्ने निर्णय साधारणसभाबाट पारित गर्दैछ ।
प्रकाशित मितिः२०७४ कार्तिक २३
वि.सं.२०७४ कात्तिक २३ बिहीवार १४:४३ मा प्रकाशित
