काठमाडौ । काठमाडौं–तराई जोड्ने द्रुत मार्ग अर्थात फास्ट ट्रयाक छिटो बनाउने सम्बन्धी कार्यविधि पारित भएको छ । प्रधानमन्त्री तथा मन्त्रिपरिषद्को कार्यालयमा बसेको मन्त्रीपरिषद बैठकले कार्यविधि पारित गरेको अर्थमन्त्री एवं प्रवक्ता ज्ञानेन्द्रबहादुर कार्कीले जानकारी दिए ।
द्रुत मार्ग सरकार आफैले बनाउने निर्णय गर्दै अघिल्लो सरकारले नेपाली सेनालाई जिम्मा दिएको थियो । यस्तै, बैठकले एसियाली विकास बैंकले सहरी विकासका लागि दिने १ सय ५० मिलियन अमेरिकी डलरको सहुलियत ऋणको प्रकृयाका लागि वार्ता गर्न अर्थ मन्त्रालयका सहसचिवको संयोजकत्वमा समिति गठन गर्ने निर्णय गरेको छ ।
बैठकले स्वास्थ्य मन्त्रालयका सचिवमा डाक्टर किरण रेग्मीलाई बढुवा गर्ने पनि निर्णय गरेको छ ।
प्रकाशित मितिः २०७४ असार ८
वि.सं.२०७४ असार ८ बिहीवार १५:१२ मा प्रकाशित