काठमाडौं । लघुवित्तको ३ करोड बराबरको ३ लाख कित्ता साधारण सेयर बजारमा आउने भएको छ । आशा लघुवित्त वित्तीय संस्था लिमिटेडले उक्त सेयर निष्काशन गर्ने भएको हो ।
संस्थाको प्रथम बार्षिक साधारण सभाबाट ३ करोडको सेयर निष्काशन गर्ने निर्णय गरिएको हो । वार्षिक साधारणसभाले संचालक समितिको अध्यक्षमा रामेश्वर सापकोटालाई चयन गरेको छ ।
सापकोटाले नेपाल राष्ट्र बैंकको बैंक तथा वित्तीय संस्था नियमन विभागका कार्यकारी निर्देशक नारायणप्रसाद पौडेलसँग पद तथा गोपनियताको शपथ ग्रहण गरेका छन्।
शपथ ग्रहण कार्यक्रममा संस्थाका संचालक प्रदीपकुमार खड्का, प्रमुख कार्यकारी अधिकृत बद्रीप्रसाद दुलाल तथा वित्त विभाग प्रमुख प्रमोद भट्टराई उपस्थित थिए।
२०७४ पुष १४ गते प्रकाशित
वि.सं.२०७४ पुस १४ शुक्रवार १०:५४ मा प्रकाशित
