काठमाडौँ । टुरिजम एक्सप्रेस पत्रिकाले आयोजना गरेको पर्यटनमैत्री फुटबल प्रतियोगितामा टानको पहिचान हरियो जर्सीमा सजिएर फुटबलमैदान प्रवेश गरेका टानका अध्यक्ष चन्द्रप्रसाद रिजाल फूटबल खेल्दा मैदानमै ढल्न पुगे ।
विद्यार्थी कालमा फूटबल खेले पनि ब्यबसायमा लाग्दा खेल मैदानमा उत्रिन न भयेका अध्यक्ष रिजालले गोल गर्न त सकेनन, तर दौडदा भने सामान्य घाइते हुन पुगे । खेल्दा फुटबल मैदानमा ढलेका रिजाल सामान्य अवस्थामा छन् । खेल्ने क्रममा आफु लडे पनि चोट पटक भने कतै नभएको रिजालले बताए ।
क्यानोईङ्ग एशोसियसन र टानबिच भएको खेलमा रिजाल सामान्य घाइते हुन पुगेका थिए । दुई समूहबिच भएको खेलमा टानलाई ७–० ले हराउदैँ क्यानोईङ्ग एशोसियसनले यो खेलमा जित हासिल गरेको छ ।
शुक्रबारबाट गृहमन्त्री शक्ति बस्नेतले उद्घाटन गरेको प्रतियोगिताको फाइनल र समापन शनिबार हुनेछ । प्रतियोगितामा पर्यटन क्षेत्रसँग सम्बन्धित १६ समूहको सहभागीता रहेको छ ।
३ बैशाख २०७३
वि.सं.२०७३ वैशाख ३ शुक्रवार २३:३९ मा प्रकाशित
