back
NMB ad

थापालाई कारबाही गर्ने फाईल खोल्न अख्तियार अनिच्छुक किन ?

Kumari bank ad

काठमाडौ । नेपाल फुटबल एसोसिएसन (एन्फा) का तत्कालीन अध्यक्ष गणेश थापालाई विश्व फुटबल महासंघ (फिफा) ले निलम्बन गरेको दुई वर्षभन्दा बढी समय बिते पनि अख्तियार दुरुपयोग अनुसन्धान आयोग यससम्बन्धी फाइल खोल्न अनिच्छुक देखिएको छ।

फिफाले थापालाई प्रतिबन्ध लगाउनुअघि नै अख्तियारले उनको मुद्दा तामेलीमा राखेको थियो। फिफाको इन्डिपेन्डेन्ट एथिक्स कमिटीको एड्जुडिक्टरी च्याम्बरले थापालाई १० वर्ष प्रतिबन्ध र २० हजार स्विस फ्रेंक जरिबाना गर्नासाथ अख्तियारका अधिकारीले अनुसन्धान थाल्ने प्रतिबद्धता जनाएका थिए । अख्तियार प्रवक्ता जीवराज कोइरालाले आफूले यसबारे केही बताउन नसक्ने बताए। सामान्यतया तामेलीमा राखेको मुद्दामा नयाँ प्रमाण फेला परेमा पुनः अनुसन्धान गर्न सकिन्छ, कोइरालाले भने, मलाई यसबारे अहिलेसम्म कुनै जानकारी छैन।

थापाविरुद्ध सन् २००१ देखि २०१२ को बीचमा फुटबल प्रोजेक्ट र घूसका रूपमा करोडौं रुपैयाँ अपचलन गरेको आरोप लागेको थियो। एसियाली फुटबल महासंघ (एएफसी) लेखापरीक्षण प्रतिवेदनमा थापाका छोरा गौरवको खातामा एएफसी पूर्व अध्यक्ष मोहम्मद बिन हमामबाट एक लाख अमेरिकी डलर पाएको खुलासा भएको थियो। थापाविरुद्धको उजुरीपछि अख्तियार र सार्वजनिक लेखा समितिले यस विषयमा अनुसन्धान गरेको थियो।

थापाले एन्फा नेतृत्वमा दुई दशकभन्दा बढी समय रहँदा ५८ करोड रुपैयाँ अपचलन गरेको तथ्य संसदीय समितिले निकालेको थियो। समितिले पनि उक्त प्रतिवेदन अख्तियारमा पठाएको थियो। तर, उक्त मुद्दा अदालतमा लैजान पर्याप्त प्रमाण नपुगेको भन्दै अख्तियारले छानबिन तामेलीमा राखेको थियो।

अनुसन्धानमा संलग्न सांसद रामहरि खतिवडाले थापाका अनियमितताबारे फेरि अनुसन्धान गर्न प्रयास भइरहेको बताए। हामीले लेखा समिति सचिवलाई अख्तियार सचिवसँग छलफल गरी थापाको मुद्दाबारे समितिमा अख्तियारका आयुक्तलाई बोलाउने मिति तय गर्न भनिसकेका छौं, खतिवडाले भने, फिफाले उनलाई दोषी ठहर गर्‍यो तर हाम्रो भ्रष्टाचारविरुद्ध क्रियाशील संस्थाले यस्तो ठूलो भ्रष्टाचारलाई पनि बेवास्ता गर्‍यो। संसद्ले यसलाई फेरि अघि बढाउँछ। नागरिकबाट

फाईल फोटो

प्रकाशित मितिः२०७४ साउन २३

वि.सं.२०७४ साउन २३ सोमवार १४:२३ मा प्रकाशित

You can share this post!

अवैध आयात र दक्ष जनशक्ति अभावले सङ्कटमा बेकरी उद्योग   

अवैध आयात र दक्ष जनशक्ति अभावले सङ्कटमा बेकरी उद्योग   

वि.सं.२०८० चैत १६ शुक्रवार १६:०८

बनियानी (झापा), १६ चैत : भारतबाट हुने अवैध आयात र...

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

वि.सं.२०८० चैत १६ शुक्रवार १६:०४

काठमाडौँ, १६ फागुन : उद्योग, वाणिज्य तथा आपूर्तिमन्त्री दामोदर भण्डारीले...

जथाभावी फोहर फाल्नेबाट महानगरले उठायो २७ लाख जरिवाना 

जथाभावी फोहर फाल्नेबाट महानगरले उठायो २७ लाख जरिवाना 

वि.सं.२०८० चैत १६ शुक्रवार १५:५९

वीरगञ्ज (पर्सा), १६ चैत : वीरगञ्ज महानगरपालिकाले चालु आर्थिक वर्ष...

नेपालले २२३ रनको चुनौती पायो   

नेपालले २२३ रनको चुनौती पायो   

वि.सं.२०८० चैत १६ शुक्रवार १५:४८

काठमाडौँ, १६ चैत : आयरल्यान्ड ‘ए’ टोलिले ट्वान्टी–२० शृङ्खलाको पहिलो...

सात सयभन्दा बढी बैंकिङ कसुरका निवेदन   

सात सयभन्दा बढी बैंकिङ कसुरका निवेदन   

वि.सं.२०८० चैत १६ शुक्रवार १५:०८

चितवन, १६ चैत : जिल्ला प्रहरी कार्यालय चितवनमा चालु आर्थिक...

सहकारीमा गरेको बचत सुनिश्चित गर्न माग   

सहकारीमा गरेको बचत सुनिश्चित गर्न माग   

वि.सं.२०८० चैत १६ शुक्रवार १४:५८

चितवन, १६ चैत : चितवनका सहकारी संस्था समस्याग्रस्त बन्दै गएपछि...