काठमाण्डौं । आज बजारमा सुनको मूल्य प्रतितोला ६ सय रुपैयाँले बढेको छ । केही समय यता उकालो लागिरहेको सुनको मूल्य आज एकै दिनमा ६ सय रुपैयाँले बढ्न पुगेको हो ।
मूल्य बढेसँगै आज बजारमा सुन प्रति तोला ५५ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जानकारी दिएको छ । आज बजारमा तेजावी सुनको मूल्य समेत प्रतितोला ५५ हजार रुपैयाँ पुगेको छ ।
तर आज मंगलबार बजारमा चाँदीको मूल्य भने स्थिर रहेको छ । अघिल्लो दिन प्रतितोला ५ रुपैयाँले बढेको चाँदी आज स्थिर रही ७ सय ९५ रुपैयाँमा नै कारोबार भइरहेकोछ ।
४ माघ २०७३, १।००
वि.सं.२०७३ माघ ४ मंगलवार १३:०० मा प्रकाशित