काठमाडौ । गोर्खा विकास बैंक र काठमाडौ फाइनान्स गाभिएर बनेको गोर्खाज फाइनान्सको आइतबारबाट नेप्सेमा सेयर कारोबार खुलेको छ । एकिकृत कारोबार भएको झण्डै एक वर्षपछि गोर्खाज फाइनान्सको सेयर करोबार खुलेको हो । नेप्सले फाइनान्सलाई जियुएफएल कोड दिएको छ । साथै आइतबार नै यो कम्पनीको सेयर नेप्सेमा सूचिकृत भएको छ ।
दुई कम्पनी गाभिएर बनेको गोर्खाज फाइनान्सको नेप्सेमा ५७ लाख ८६ हजार ६२५ कित्ता सेयर सूचिकृत भएको छ । मर्जपछि बनेको फाइनान्सको हाल ५७ करोड ८६ लाख ६२ हजार रुपैंया चुक्ता पूँजी रहेको छ ।
फाइनान्सले धितोपत्र बोर्डबाट हाल कायम पूँजीको ५० प्रतिशत हकप्रद निष्काशनको अनुमति पाएको छ ।
प्रकाशित मितिः २०७३ चैत २०
वि.सं.२०७३ चैत २० आइतवार १३:२१ मा प्रकाशित