काठमाडौ । तारे होटल तथा रेष्टुरेन्टहरुमा क्रियाशिल पर्यटन श्रमिक तथा श्रमिक नेताहरुले श्रम ऐन तथा श्रम कानुन चाँडो भन्दा चाँडो लागू गराउन सरकारको ध्यानाकर्षण गराएको छ । गोकर्ण फरेष्ट रिसोर्ट नेपाल स्वतन्त्र होटल, क्यासिनो तथा रेष्टुरेण्ट मजदुर यूनियन (नेस्वहोमयु)ले विभिन्न ११ वटा प्रतिष्ठानका प्रतिनिधिलाई भेला गराई उक्त निर्णय गरिएको गोकर्ण फरेष्ट रिसोर्ट नेस्वहोमयुका अध्यक्ष केशबराज सापकोटाले जानकारि दिए ।
पर्यटन क्षेत्रमा बढ्दै गएको करार,कन्ट्याक्ट तथा ज्यालादारी प्रथाले पर्यटन क्षेत्रलाई नै कमजोर बनाएको भन्दै श्रम कानुन चाँडो भन्दा चाँडो लागू गराउन सरकारलाई ध्यानाकर्षण गराउने निर्णय गरेको उनले जानकारी दिए ।
त्यस्तै होटल मल्लका नेस्वहोमयुका अध्यक्ष भवेश्वर पोखरेललाई ब्यबस्थापनले स्थानिय चुनावमा उम्मेद्वार बनेको भन्दै होटलमा हाजिर गर्न नदिएकोमा खेद प्रकट गर्दै तुरुन्त पुनर्वहाली गर्न होटल मल्ल ब्यबस्थापनको ध्यानाकर्षण गराउने निर्णय गरेको छ । शान्तिपूर्ण माग गर्दा पनि ब्यबस्थापन पक्षले पुनर्वहाली नगरे उसको विरुद्ध संघर्ष कार्यक्रम घोषणा गरि आन्दोलनमा उत्रने चेतावनी दिएको छ ।
भेलाले आगामि भदौ २ गते होटल र्याडिसन मा हुन गईरहेको आधिकारिक ट्रेड युनियन को चुनावमा नेस्वहोमयुलाई जिताउन पहलकदमी अगाडि बढाउने निर्णय गरेको छ । १० प्रतिशत सेवा शुल्क लाई शत प्रतिशत बनाउन शुरु गरिएको संयुक्त आन्दोलनको समीक्षा गर्दै भेलाले मजदुरका पक्षमा तुरुन्त निर्णय गर्न होटल संघ नेपाल र संयुक्त ट्रेड यूनियनलाई आग्रह गरेको छ ।
प्रकाशित मितिः २०७४ साउन ३०
वि.सं.२०७४ साउन ३० सोमवार १२:५८ मा प्रकाशित
