अष्ट्रेलियासँगको एकदिवसीय क्रिकेटको श्रृङ्खला भारतले जितेको हो । तेश्रो एकदिवसीय खेल आइतबार राति ५ विकेटले जित्दै भारतले २ खेल अघि नै श्रृङ्खला जितेको हो ।
२ सय ९४ रनको लक्ष्य भारतले ४७ ओभर ५ बलमा ५ विकेट गुमाएर भेट्टायो । भारतको जितमा हार्दिक पाण्डेयले ७८, रोहित शर्माले ७१ र अजिन्क्या रहानेले ७० रन बनाए ।
इन्दौरमा पहिले ब्याटिङ गरेको अष्ट्रेलियाले ५० ओभरमा ६ विकेट गुमाएर २ सय ९३ रन बनाएको थियो । अष्ट्रेलियाका आरोन फिन्चले १ सय २४ रन बनाएका थिए । यो जितपछि भारत एक दिवसीय ¥याङ्किङमा शीर्ष स्थानमा पुगेको छ । भारतको एक सय २० अंक रहेको छ ।
यस्तै वेष्ट इण्डिजसँगको एकदिवसीय क्रिकेट श्रृङ्खलामा इंग्ल्याण्डले २–० ले अग्रता लिएको छ । दोश्रो एकदिवसीयमा इंग्ल्याण्ड १ सय २४ रनले विजयी भएको हो । ३ सय ७० रनको लक्ष्य पछ्याएको वेष्ट इण्डिजले ३९ ओभर एक बलमा २ सय ४५ रन मात्र बनाउन सक्यो । वेष्ट इण्डिजका क्रिस गेलले ९४ रन बनाएपनि टीमलाई जिताउन सकेनन् । इग्ल्याण्डका मोहिन अलिले ५७ बलमा १ सय २ रन बनाएका थिए ।
प्रकाशित मितिः २०७४ असोज ९
वि.सं.२०७४ असोज ९ सोमवार १०:४१ मा प्रकाशित
