काठमाडौ । सर्वसाधारणले आईपीओ भर्नुअघि कुन कम्पनीको आईपीओ खुल्दैछ भनेर जान्नुपर्नैछ । यस्तैमा हिमालयन पावर पार्टनर कम्पनीले आगामी असार एक गतेदेखी सर्वसाधारणका लागि आईपीओ जारी गर्ने भएको छ । कम्पनीले एक सय रुपैयाँ अंकित दरले २१ करोड ३० लाख रुपैयाँ बराबरको २१ लाख ३० हजार ८३४ कित्ता आईपीओ जारी गर्ने भएको हो ।
यसअघि लमजुङका स्थानीय बासिन्दालाई १० लाख ६५ हजार ४१७ कित्ता (१० प्रतिशत) आइपीओ जारी गरेको कम्पनीले सर्वसाधरणका लागि आईपीओ जारी गरी बाँडफाँड समेत गरीसकेको छ । कम्पनीले सर्वसाधारणका लागि २० प्रतिशत सेयर बिक्री गर्न लागेको हो ।
२१ लाख ३० हजार ८३४ कित्ता सेयरमध्ये कम्पनीले ४२ हजार ६१७ कित्ता कम्पनीका कर्मचारी र एक लाख ६ हजार ५ सय ४२ कित्ता सामुहिक लगानीकोषका लागि छुट्याएको छ ।
कम्पनीको सेयर बिक्री प्रबन्धकमा ग्लोबल आईएमई क्यापिटल रहेको छ ।
कम्पनीको सेयरमा कम्तिमा ५० कित्तादेखि बढीमा दश हजार कित्तासम्म आवेदन दिन पाईनेछ । कम्पनीको सेयरमा असार १ गतेदेखि ५ गतेसम्म आवेदन दिन पाइनेछ ।
कम्पनीको साधारण सेयरमा ग्लोबल आइएमई क्यापिटल जमल, हिमालयन पावर पार्टनर लिमिटेड पानीपोखरी, ग्लोबल आईएमई बैंकका विभिन्न शाखा कार्यालयहरु लगायत आश्वा सेवा अनुमति प्राप्त सम्पूर्ण बैंक तथा वित्तीय संस्थाका सबै शाखा कार्यालय मार्फत आवेदन गर्न पाइनेछ ।
हाल कम्पनीको चुक्ता पूँजी ८५ करोड २३ लाख ३३ हजार रुपैयाँ रहेको छ । सर्वसाधारणलाई आईपीओ जारी गरेपछि कम्पनीको चुक्ता पुँजी एक अर्ब ६ करोड ५४ लाख रुपैयाँ पुग्नेछ ।
प्रकाशित मितिः २०७४ जेठ २६
वि.सं.२०७४ जेठ २६ शुक्रवार १२:४७ मा प्रकाशित
