back
NMB ad

‘राष्ट्रिय गौरवको आयोजनाहरु कार्यान्वयनगर्नु मेरो पहिलो प्राथमिकता-मन्त्री गौतमले

Kumari bank ad

काठमाडौं । सिँचाईमन्त्री सञ्जय गौतमले प्रदेश र प्रतिनिधि सभाको निर्वाचन एकै चरणमा गराउन सरकारले तयारी सुरु गरिसकेको स्पष्ट पारेका छन् । शनिबार रिपोर्टर्स क्लब नेपालले आयोजना गरेको साक्षात्कारमा बोल्दै मन्त्रीगौतमले सरकारले एकै चरणमा प्रदेश र प्रतिनिधि सभाको निर्वाचनगर्ने तयारी गरेको बताएका हुन् ।
गौतमले भने,‘एकै चरणमा निर्वाचन गर्ने बारे प्रधानमन्त्री शेरबहादुर देउवाजीले पनि निर्वाचन आयोगका पदाधिकारीहरुसँग छलफल गरिसकेका छन् । सरकार एकै चरणमा निर्वाचन गराउन सक्षम छ, हामी पूर्ण तयारी अवस्थामा छौं।’ उनले माघ ७ गतेभित्रै सबै निर्वाचन गर्नुपर्ने भएकोले सरकार यसबारेमा गम्भिर भएर लागि परिरहेको बताए ।
क्लबका सभापति ऋषिधमलाको सभापतित्वमा आयोजित साक्षात्कारमा बोल्दै उनले एकै चरणमा निर्वाचन गराउँदा राम्रो हुने समेत बताए । उनले थपे,‘एकै चरणमा निर्वाचन गराउँदा कम खर्च हुन्छ, त्यसैले प्रधानमन्त्रीजीले निर्वाचन आयोगसँग छलफल गरिसकेका हुन् । यसबारेमा आयोग पनि सकारात्मक छ, अन्य पार्टीहरुसँग पनि सरसल्लाह गरेर एकै चरणमा निर्वाचन गराउन ेगरि छिट्टै मिति घोषणा हुन्छ, सोही अनुसार सरकार तयारी अवस्थामा छ, सरकारले चाह्यो भने किन नहुनु ?निर्वाचन एकै चरणमा गर्न संभव छ ।’
त्यस्तै उनले राजपालाई पनि निर्वाचनमा सहभागी गराउनको लागि सरकारले ईमानदार प्रयास गरिरहेको जनाए । उनले भने,‘राजपालाई पनि निर्वाचनमा सहभागी गराउन सरकारले पहल गरिरहेको छ, असोज २ गते हुने प्रदेश नम्बर २ को स्थानीय तहको तेस्रो चरणको निर्वाचनमा उहाँहरुलाई सहभागी गराउनहामी ईमानदार भएर लागिपरेका छौं।’ राजपाकै माँगबमोजिम सरकारले नीतिगत रुपमासंशोधन प्रस्ताव सदनमा पेश गरेको स्पष्ट पारे ।
मन्त्रीगौतमले भने,‘हामीसँग संशोधन प्रस्तावपारित गराउनदुई तिहाई मत छैन, त्यसैले प्रस्तावभोटिङमा गएयसको रिजल्टलाई सबैले स्विकार गर्नुपर्छ।’
त्यस्तै उनले नेपाल कृषि प्रधान देश भएकोले सिँचाई व्यवस्थालाई सुदृढ गर्न आफू गम्भिर भएर लागि पर्ने समेत विश्वास दिलाए । उनले सिँचाई सम्बन्धी योजना धेरै वर्ष पूरानो भएकोले आफ्नो प्रथम योजना नै सिँचाई सम्बन्धी नयाँ मास्टर प्लान ल्याउने विश्वास दिलाए ।
मन्त्री गौतमले भने,‘राष्ट्रिय गौरवको आयोजनाहरु कार्यान्वयनगर्नु मेरो पहिलो प्राथमिकता हो।’ उनका अनुसार बबही, भेरी, सिक्टा र रानीजमारा सिँचाई आयोजनाहरुलाई समयमै कार्यान्वयनगर्नको लागि आफू गम्भिर रहेको जनाए ।‘म त बर्दियाको मान्छे, भावानात्मक रुपमा पनि म यस्ता सिँचाई आयोजनाहरुसँग जोडिएको छु, अब साना तथा मझौला आयोजनाहरुलाई समेत अघि बढाउनेछु, उनले थपे,‘अब कृषि उत्पादनलाई समेत अघि बढाउने मेरो प्राथमिकता छ।’
कृषिलाई उद्योगको रुपमा विकास गर्ने आफ्नो योजना रहेको उनले सुनाए । उनले थपे,‘अन्तर मन्त्रालय समन्वय गरेर खास गरि कृषि, स्थानीयतथावातावरण मन्त्रालयवीचएकीकृत रुपमायसबारेमा छलफल गरेर अघि बढ्नुपर्छ।’
त्यस्तै नदी नियन्त्रण, बाढि पहिरो लगायतका प्राकृतिकविपद्को व्यवस्थापन गर्ने र जनतालाई राहतदिनेगरि आफू अघि बढ्ने समेत जनाए । त्यस्तै उनले कृषि योग्य जमिनमा सिँचाई पुर्याउने आफ्नो लक्ष्य रहेको समेत योजना सुनाए । गौतमले उर्जा क्षेत्रमा नयाँ काम भए अनुसार सिँचाई क्षेत्रमा पनि राम्रो काम हुने विश्वास दिलाए ।
कार्यक्रममा रिपोर्टर्स क्लब नेपालले नवनियुक्त मन्त्री गौतमलाई सम्मान तथा सफलताको बधाई दिएको थियो । क्लबका सभापति ऋषिधमलाले मन्त्री गौतमलाई जनताको सेवामा तल्लिन भएर नतिजा दिने गरि काम गर्नको लागिआग्रह गरेकाथिए । उनले भने,‘अब तपाईले भाषण गर्ने काम नगर्नुहोस्, परिणाम ल्याउनेगरि काम गर्नुहोस्।’ मन्त्री गौतमले आफूलाई क्लबले सम्मान गरेकोमा खुसी व्यक्त गरे ।

प्रकाशित मितिः २०७४ साउन १४

वि.सं.२०७४ साउन १४ शनिवार १८:०७ मा प्रकाशित

You can share this post!

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...

होटललाई उद्योगको मान्यता दिन व्यवसायीको माग   

होटललाई उद्योगको मान्यता दिन व्यवसायीको माग   

वि.सं.२०८० चैत १५ बिहीवार २१:१३

काठमाडौँ, १५ चैत : उद्योगी व्यवसायीले होटल क्षेत्रलाई उद्योगसरह कानुनी...

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

वि.सं.२०८० चैत १५ बिहीवार २१:०८

काठमाडौँ, १५ चैत : अख्तियार दुरुपयोग अनुसन्धान आयोगले नेपाल दूरसञ्चार...

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...