काठमाण्डौं । प्रहरीले ६ वर्षअघि जनकपुरमा मारिएका संचार उद्यमी अरुण सिंघानिया हत्याको पछाडि तत्कालीन राज्यमन्त्री संजय साह रहेको र उनका बिरुद्ध मुद्दा दायर गर्न तयारी गरिरहेको बताएकोछ ।
तत्कालीन भौतिक योजना तथा निर्माण मन्त्री विजयकुमार गच्छdदारको फोरम लोकतान्त्रिक प्रभाविशाली नेता रहेका संजय साह २०६६ फागुनमा सिंघानियाको हत्या हुँदा भौतिक योजना राज्यमन्त्री थिए।
जनकपुरको शिवचोकमा २०६६ साल फागुन १७ गते होली मनाइरहेका सिंघानियालाई गोली हानी हत्या गरिएको थियो । त्यस लगत्तै तराई जनतान्त्रिक पार्टी मधेश सशस्त्र समूहका मुकेश चौधरी र अर्को सशस्त्र समूह जनतान्त्रिक तराई मुक्ति मोर्चा राजन मुक्ति समूहका राजन मुक्तिले घटना आफूले गराएको भनेर दाबी गरेका थिए । तर अहिले हत्याका अर्का आरोपी चन्द्रदीप यादवलाई पक्राउ गरेपछि अनुसन्धान निष्कर्षतर्फ अगाडि बढेको हो ।
२४ चैत २०७२, २.००
वि.सं.२०७२ चैत २४ बुधवार १५:४३ मा प्रकाशित
