काठमाडौं । २०७३ असोज १७ गते चार वर्षका लागि सिइओ नियुक्त भएका माछापुच्छ्रे बैंकका प्रमुख कार्यकारी अधिकृत (सिइओ) निरजकुमार श्रेष्ठले बैंकबाट राजीनामा दिएका छन् ।
श्रेष्ठले १६ महिनामै बैंक छाडेका हुन् । उनले असोज २८ गतेबाट बैंकको नेतृत्व सम्हालेका थिए ।
उनले राजीनामा दिनुको खास कारण बाहिर आएको छैन । स्रोतका अनुसार सञ्चालक समितिसँगको मतभेदका कारण उनले राजीनामा दिएका नुन् । उनले नेतृत्व सम्हालेपछि बैंकको प्रगतिप्रति सञ्चालक सन्तुष्ट हुन नसकेपछि श्रेष्ठ र संचालकबीच समितिको सम्बन्ध चिसिएको थियो ।
तात्कालीन सिइओ तुलसीराम गौतम बाहिरिएपछि श्रेष्ठ बैंकले बैंकको नेतृत्व सम्हालेका थिए । श्रेष्ठ बाहिरिएपछि संचालक समितिले नायब महाप्रबन्धक अर्जुन थापालाई निमित्त सिइओको जिम्मेवारी दिएको छ।
श्रेष्ठ ग्लोबल आइएमइ बैंकको नायब प्रमुख कार्यकारी अधिकृतबाट राजीनामा दिएर माछापुच्छ्रे बैंक गएका थिए ।
२०७४ फागुन ७ गते प्रकाशित
वि.सं.२०७४ फागुन ७ सोमवार १५:१२ मा प्रकाशित