काठमाडौ । नेकपा एमालेका वरिष्ठ नेता माधव नेपाल चढेको गाडीमा गएराति तोडफोड भएको छ । पुष्पलाल स्मृति प्रतिष्ठानले उनको स्मृतिमा पुष्पलालको जन्मस्थल रामेछाप बजारमा आयोजना आयोजना गरेको कार्यक्रममा भाग लिन शनिबार साँझ रामेछाप पुगेका नेपाल चढेको बा ५ प २७५० नम्बरको प्राइवेट गाडी पार्किङ गरेर राखेको अवस्थामा रामेछाप नगरपालिकाको रामेछाप बजारमा तोडफोड गरिएको हो ।
रामेछाप बजारका ताकाकोसी गेष्ट हाउसमा बसेका नेपाल चढेको गाडी गेष्ट हाउस नजिकै सार्वजनिक स्थलमा पार्किङ गरी राखिएको थियो । बिहान राखिएकै स्थानमा उनी चढेको गाडी शिसा फुटेको अवस्थामा भेटिएको थियो ।
घटनामा कांग्रेस कार्यकर्ताको हात रहेको एमालेको आरोप छ । यद्यपी कांग्रेसले त्यो अस्वीकार गरेको छ । फोटो गुगलबाट
प्रकाशित मितिः २०७४ साउन ८
वि.सं.२०७४ साउन ८ आइतवार १७:११ मा प्रकाशित