पोखरा लेखनाथ महानगरको मेयरमा एमालेका मानबहादुर जिसी र उपमेयरमा मञ्जु गुरुङ विजयी भएका छन्। जिसी ६० हजार ११८ मतसहित विजयी भएका हुन् भने उपमेयरमा गुरुङले ५६ हजार ४४८ मत पाएकी छन्।
१३ हजार ७०२ को भारी मतान्तरसहित जिसी विजयी भएका हुन्। उनका निकटतम प्रतिद्धन्द्धी कांग्रेसका रामजी कुँवरले ४६ हजार ४१६ मत पाएका छन्।
उपमेयरमा मञ्जुले पनि कांग्रेसकी सरस्वती गुरुङलाई १२ हजार ११० मतान्तरले पराजित गरेकी हुन्। महानगरका ३३ वटा वडामध्ये एमालेले २२ वडामा जित हासिल गरेको छ। ११ वडामा नेपाली कांग्रेस विजयी भएको छ।
प्रकाशित मितिः२०७४ जेठ १२
वि.सं.२०७४ जेठ १२ शुक्रवार १२:२७ मा प्रकाशित