काठमाण्डौं । तीन लघु वित्त संस्थाले ८ लाख २० हजार कित्ता साधारण सेयर जारी गर्ने भएका छन् । जसमध्ये सूर्योदय माइक्रो फाइनान्स, आरडीसी माइक्रोफाइनान्सले नेपाल धितोपत्र बोर्डबाट गत साता साधारण सेयर निष्काशन गर्ने अनुमति पाएका हुन् भने नेशनल माइक्रो फाइनान्सले जेठमा नै यो अनुमति पाइसकेको हो ।
नेप्सेका अनुसार, अहिले धितोपत्र बोर्डबाट स्वीकृति पाएको २ महिना भित्रमा सेयर निष्काशन गरिसक्नु पर्ने व्यवस्था छ । जस अनुसार, यी तीन लघुवित्तले ढिलोमा साउन मसान्तसम्ममा ८ लाख २० हजार कित्ता साधारण सेयर निष्काशन गरिसक्ने छन् ।
बोर्डले जेठ २४ गते नेशनल माइक्रोफाइनान्सलाई ३ लाख कित्ता साधारण सेयर निष्काशनको अनुमती दिएको हो । त्यसै गरि बोर्डले असार १४ गते सुर्योदय लघुवित्तलाई १ लाख २० हजार कित्ता साधारण सेयर निष्काशनको अनुमती दिएको छ । त्यस्तै आरडिसि लघुवित्तले पनि असार १७ गते ४ लाख कित्ता साधारण सेयर निष्काशनको अनुमती पाएको छ ।
२० असार २०७३, १.००
वि.सं.२०७३ असार २० सोमवार १३:१२ मा प्रकाशित
