सिन्धुली । उद्योगमन्त्री नबिन्द्रराज जोशीले गाँउगाँउमा उद्यमी उत्पादन गर्न सरकार लागि परेको बताएका छन् । सिन्धुली महोत्सवको समापन गर्न सिन्धुली आएका मन्त्री जोशीले नेपाली काँग्रेसका नेता तथा कार्यकर्तालाई निर्देशन दिँदै काँग्रेसले गाँउगाँउमा गएर उद्यमी उत्पादन गर्नलाई सघाउन अनुरोध गरे।
कार्यक्रममा बोल्दै उनले भने, अबको १० बर्षभित्र कोहि युवा मजदुरीका लागि विदेश जान नपर्ने गरी सरकारले योजना बनाएको छ । काम कुनै सानो ठूलो नहुने भन्दै कामका आधारमा कसैलाई भेदभाव गर्न नहुने उने प्रष्ट्याए। सिन्धुलीमा संम्भावना हुने जुनसुकै उद्योग सञ्चालन गर्न सहमती भए सरकार सकरात्मक रहेको भन्दै प्रस्ताव लिएर उद्योगमन्त्रालय आउन उनले अनुरोध गरे।
सिन्धुलीमा अल्लो, जुनार, सिमेन्ट लगाएतका उद्योगको स्थापना गर्न सकिने भन्दै सम्भावना वोकेको उद्योग सञ्चालन गर्न मन्त्रालय तयार रहेको आश्वासन दिए।
१८ पुस २०७३, ४।२५
वि.सं.२०७३ पुस १८ सोमवार १६:३२ मा प्रकाशित