काठमाण्डौं । सरकारले नेपाल औषधी उद्योग पुन सञ्चालन गर्ने भएको छ । यो औषधी उद्योग सञ्चालनका लागि उद्योग मन्त्रालयले गरेको प्रस्तावलाई आइतबार बसेको मन्त्रिपरिषद् बैठकले सैद्धान्तिक सहमति दिएको हो।
उद्योग सञ्चालन गर्न तत्काल १४ करोड ६५ लाख रुपैयाँ खर्च लाग्ने अनुमान गरिएको छ । यो पैसा अर्थमन्त्रालयले उद्योगलाई ऋण स्वरुप उपलब्ध गराउने सहमति पनि भएको छ । उद्योगबाट उत्पादित औषधी सरकारले खरिद गर्ने भएको कारण बजारको अभाव हुने वा अन्य उत्पादनसँग प्रतिस्पर्धा गर्दा विक्री नहुने समस्या हुँदैन ।
२०६० सालसम्म १२० किसिमका औषधिहरु अत्पादन गर्दै आएको दुई वर्ष अघिसम्म यो कम्पनी आंशिक रुपमा सञ्चालनमा थियो। अहिले भने डिस्टिल वाटर र ग्लिसिरिन मात्र उत्पादन गरिरहेको छ।
३ असोज २०७३, ११।००
वि.सं.२०७३ असोज ३ सोमवार १२:१३ मा प्रकाशित