काठमाडौ । नेपाल बैंक लिमिटेडको हकप्रद बिहिबारबाट खुलेको छ । बैंकको १०० बराबर २३ दशमलव ७४ को अनुपातमा हकप्रद खुलाएको हो ।
बिहिबारबाट खुलेको हकप्रद गत चैत्र २८ गते सम्मका शेयरधनीले आवेदन दिन सक्ने बैंकले जनाएको छ । बैंकले निष्काशन गर्न लागेको हकप्रद शेयरमा सिभिल क्यापिटल मार्केट लिमिटेड सिटिसी महल सुन्धारा र बैंकको शाखा कार्यालयहरुबाट आवेदन दिन सकिने छ ।
बैंकले प्रतिशेयर १०० रुपैयाँको दरले १ करोड ५४ लाख ३१ हजार ८ सय ४० कित्ता हकप्रद शेयर निष्काशन गर्न लागेको हो । अर्थात् बैंकले १०० अंकित मूल्यको १ अर्ब ५४ करोड रुपैयाँ बराबरको हकप्रद जारी गर्न लागेको हो ।
हाल बैंकको चुक्ता पूँजी ६ अर्ब ५० करोड रुपैयाँ रहेको छ भने हकप्रद शेयर निष्काशन पश्चात बैंकको कूल चुक्ता पूँजी ८ अर्ब ४ करोड रुपैयाँ हुनेछ । हाल चुक्ता पूँजीको ६२.२१ प्रतिशत शेयर स्वामित्व नेपाल सरकारको रहेको छ भने बाँकी बैंक कर्मचारी तथा सर्वसाधारणको रहेको छ । आवेदन निष्काशन तथा बिक्रीबन्द जेठ १० गते हुने बैंकले जनाएको छ ।
प्रकाशित मितिः २०७४ बैशाख ८
वि.सं.२०७४ वैशाख ८ शुक्रवार ०९:२४ मा प्रकाशित