काठमाडौ । साताको चौथो दिन बुधबार सेयर बजार नौ अंकले घटेर १४९३.२० अंकमा कायम भएको छ । बैंकिङ, विकास बैंक, उत्पादनमूलक र अन्य समूह क्रमशः ११.२६, २४.०५, २२.६३ र ६.०८ अंकले घटेका छन् भने होटल, जलविद्युत्, फाइनान्स र बीमा समूह क्रमशः १०.७४, १२.४७, ९.७१ र ८.९१ अंकले बढेका छन् ।
बुधबार १६० कम्पनीको १२ लाख ७७ हजार पाँच सय ५४ कित्ता सेयर छ हजार तीन सय ६३ पटक खरिदविक्री हुँदा ६३ करोड ६९ लाख ८९ हजार ७१ रुपैयाँको कारोबार भएको छ । जसमध्ये, नेपाल इन्भेष्टमेन्ट बैंकको तीन करोड तथा जनता बैंक र नेपाल इन्स्योरेन्सको दुई करोडमाथिको कारोबार भएको छ भने कामना सेवा विकास बैंक, स्टान्डर्ड चार्टर्ड बैंक र एसियन लाइफ इन्स्योरेन्स प्रोमोटरको एक करोड ९० लाखमाथिको कारोबार भएको छ । प्राइम लाइफ इन्स्योरेन्स, नेको इन्स्योरेन्स, प्रभु इन्स्योरेन्स, प्रिमियर इन्स्योरेन्स लगायतको पनि एक करोडमाथिको सेयर कारोबार भएको छ ।
प्रकाशित मितिः २०७४ भदौ २८
वि.सं.२०७४ भदौ २८ बुधवार १६:२४ मा प्रकाशित