काठमाण्डौं । नेपाल धितोपत्र बोर्डले धितोपत्र बजारमा सम्पत्ती सुद्धिकरण सम्वन्धी विषयमा अध्ययन गर्न गठन गरेको समिति खारेज गरेको जानकारी दिएको छ। नेपाल स्टक एक्सचेञ्जको ९नेप्से सूचक० एकै दिनमा ८८ अंकले घटेपछि नेपाल धितोपत्र बोर्डले हिजो एकै दिन दुई विज्ञप्ति जारी गर्दै दोस्रो विज्ञप्तीमार्फत यस्तो जानकारी दिएको हो ।
बोर्डले गठन गरेको समितिलाई नेप्सेमा कालो धन प्रयोग भएको भन्दै व्याख्या गरिएको थियो । यो विषयलाई ठूला लगानीकर्ताले उचालेपछि बजार घटेको सरोकारवालाले बताउँदै आएका थिए। गुनासो बढेपछि सम्पत्ती सुद्धिकरण सम्वन्धि विषयमा छानविन, अनुसन्धान तथा कारवाहीका लागि सम्पत्ती सुद्धिकरण सम्वन्धी ऐन नियम तथा निर्देशिका बमोजिम विभिन्न निकायहरु रहेको भन्दै बोर्डले समिति खारेज गरेको हो ।
बोर्डले समितिका विषयमा लगानीकर्ताको गलत बुझाई पर्न गएको र त्यसबाट नेप्सेमा समेत नकारात्मक प्रभाव पर्न गएको गुनासो आएको जानकारी पनि प्रेस विज्ञप्तिमा दिएको छ।
२५ साउन २०७३, ११।००
वि.सं.२०७३ साउन २५ मंगलवार ११:४६ मा प्रकाशित
